جاري التحميل ...
جاري التحميل ...
في هالصفحة بنوضح لك كل التفاصيل اللي تخص خصوصيتك لما تستخدم متجر دبليو.
إذا سجلت أو استخدمت المتجر، فأنت توافق إننا نجمع بعض البيانات الخاصة فيك علشان نحسّن تجربتك ونسهّل عليك التسوق الرقمي. وإحنا في متجر دبليو نلتزم تمامًا نحافظ على بياناتك وما نشاركها مع أي طرف خارجي.
وش البيانات اللي نجمعها؟
بياناتك الأساسية: مثل اسمك، إيميلك، ورقم جوالك اللي سجلت فيه.
بيانات التوصيل: عنوانك اللي تكتبه وقت ما تشتري منتج يتطلب توصيل.
معلومات الطلبات: مثل نوع المنتج الرقمي اللي اشتريته، عدد المرات، وطريقة الدفع.
وش البيانات اللي ما نقدر نشوفها؟
معلومات الدفع: كل شي تدخله أثناء الدفع (زي رقم البطاقة أو الرمز السري) يتم إرساله بطريقة مشفرة، وإحنا ما نقدر نشوفه ولا نحتفظ فيه.
موقعك الجغرافي أو الـ IP: ما نقدر نعرف عنوانك أو المدينة اللي أنت فيها.
حماية بيانات الدفع
إحنا ما نخزن ولا نشوف أي معلومة تخص بطاقتك مثل الاسم، الرقم، أو الرمز السري. الدفع يتم عن طريق بوابة دفع آمنة ومشفّرة، وهي المسؤولة عن حماية بياناتك، مو إحنا.
هل نشارك بياناتك مع أحد؟
بعض البيانات زي الاسم، الجوال، الإيميل، وعدد الطلبات ممكن نشاركها (كاملة أو جزئية) مع جهات حكومية سعودية فقط، لأغراض رسمية زي الفوترة وإثبات المبيعات. الجهات هذي تشمل:
وزارة التجارة
هيئة الزكاة والدخل
مؤسسة النقد
البنوك السعودية
ونتعهد إننا نحذف أو نشفّر أي أكواد رقمية حساسة تخص طلباتك قبل إرسالها.
تقييمك يظهر للناس
لو كتبت تقييم عن منتج أو المتجر، ممكن نعرض اسمك وتقييمك للكل في صفحة المنتج أو الصفحة الرئيسية. بس نعرض تقييمك واسمك فقط، بدون أي بيانات إضافية.
تنويه مهم
متجر دبليو مبني على منصة سلة، وهذا يعني إن فيه بعض البيانات ممكن تكون متاحة لإدارة سلة أو موظفيهم بدون تدخل منا. وقد يحتفظون ببيانات ما نقدر نشوفها أو نتحكم فيها. هالسياسة تخص متجر دبليو فقط، أما سياسة منصة سلة، تقدر تطلع عليها من روابطهم الرسمية.
عندك سؤال؟
إذا عندك أي استفسار أو تبي توضح نقطة معينة، تواصل معنا بأي وسيلة موجودة في الصفحة الرئيسية للمتجر، وحنا بالخدمة دوم.